Gen 3:4-6, Rom 1:21-23, 2 Cor 4:4
Sa Lumang Tipan, ang ebanghelista ay nagpahayag na ang Diyos ay nagbigay sa tao ng puso upang manabik sa walang hanggan. ( Mangangaral 3:11 )
Mangangaral 3:11 Ginawang angkop ng Diyos ang lahat ng bagay para sa bawat panahon. Inilagay din niya ang kawalang hanggan sa kanilang mga puso. Ngunit hindi nauunawaan ng sangkatauhan ang mga gawang ginawa ng Diyos, mula sa simula hanggang sa wakas.
Gayunman, hinikayat ni Satanas ang unang tao, sina Adan at Eva, na suwayin ang Salita ng Diyos at tumalikod sa Diyos. ( Genesis 3:4-6 )
Genesis 3:4 Sinabi ng ahas sa babae, “Tiyak na hindi kayo mamamatay. 5 Dahil alam ng Diyos na sa araw na kainin ninyo ito mabubuksan ang inyong mga mata, at kayo ay magiging tulad ng Diyos, na nakaaalam ng mabuti at masama.” 6 At nang nakita ng babae na ang puno ay mabuti para sa pagkain at kaaya-aya sa paningin, at ang puno ay kanais-nais para gawing matalino ang isang tao, kumuha siya ng bunga nito at kinain ito. At binigyan niya ang kanyang asawa na kasama niya, at kinain niya ito.
Kahit ngayon, binubulag ni Satanas ang mga tao para hindi sila makapaniwala na si Jesus ang Kristo. ( 2 Corinto 4:4 )
2 Corinto 4:4 Sa kanilang kalagayan, ang kanilang mga isip na walang pananampalataya ay binulag ng diyos ng mundong ito. Bilang resulta nito, wala silang kakayanang makita ang liwanag ng kaluwalhatian ni Cristo, na kalarawan ng Diyos.
Samakatuwid, hindi hinahanap ng mga tao ang tunay na Diyos, ngunit sumasamba sa mga diyus-diyosan bilang Diyos. (Roma 1:21-23)
Roma 1:21 Sapagkat kahit kilala nila ang Diyos, siya ay hindi nila niluwalhati bilang Diyos, ni hindi nila siya pinasalamatan. Sa halip, naging hangal sila sa kanilang pag-iisip at nagdilim ang manhid nilang mga puso. 22 Sila ay nagmamarunong ngunit sila ay naging mga hangal. 23 Ipinagpalit nila ang kaluwalhatian ng Diyos na walang kamatayan para sa katulad ng imahe ng taong namamatay, ng mga ibon, ng mga hayop na may apat na paa, at ng mga nagsisigapang.