Ex 12:13-14, Rev 15:3, Jn 1:29,36, Rev 5:6, Rev 7:17

Nakatakas si Moises at ang mga Israelita mula sa Ehipto sa pamamagitan ng pagwiwisik ng dugo ng kordero ng Paskuwa ayon sa utos ng Diyos. ( Heb 11:28 , Exo 12:13-14 )

Heb 11:28 Dahil sa kaniyang pananampalataya sinunod niya ang “Paskua” at ang pagwisik ng dugo upang ang mangwawasak sa bawat panganay ay hindi makahawak sa mga panganay na anak na lalaki ng mga Israelita.

Exo 12:13 Ang dugo ay magiging isang palatandaan sa inyong mga tahanan para sa pagdating ko sa inyo. Kapag nakita ko ang dugo, lalagpasan ko lang kayo kapag sinalakay ko ang lupain ng Ehipto. Ang salot na ito ay hindi dadapo sa inyo at wawasak sa inyo. 14 Ang araw na ito ay magiging araw ng pag-alaala para sa inyo, kung saan dapat ninyong sundin bilang isang pista para kay Yahweh. Ito ay mananatiling isang batas para sa inyo, sa lahat ng inyong mga salinlahi, na dapat ninyong sundin ngayong araw.

Pagkaalis ni Moises sa Ehipto, inawit niya ang awit ng Kordero at pinuri ang Diyos. Ibig sabihin, alam ni Moises na darating si Kristo bilang Kordero ng Diyos. (Pahayag 15:3)

Pahayag 15:3 Inaawit nila ang awit ni Moises, ang lingkod ng Diyos, at ang awit ng Kordero: “Dakila at kamangha-mangha ang iyong mga gawa, Panginoong Diyos, siya na naghahari sa lahat. Matuwid at tunay ang iyong mga gawa, Hari ng mga bansa.

Ang Kordero ng Diyos ay naparito sa lupa upang alisin ang mga kasalanan ng mundo. Iyan ay si Hesus. (Juan 1:29,36)

Juan 1:29 Sa sumunod na araw nakita ni Juan na paparating si Jesus sa kaniya at sinabi, “Tingnan ninyo, ayun ang kordero ng Diyos na siyang nag-aalis nang mga kasalanan ng mundo!
36 nakita nila si Jesus na naglalakad sa malapit, at sinabi ni Juan, “Tingnan ninyo, ayun ang Kordero ng Diyos!”

Bilang Kordero ng Diyos, namatay si Hesus para patawarin ang ating mga kasalanan. (Pahayag 5:6)

Pahayag 5:6 Sa pagitan ng trono at ng apat na buhay na mga nilalang at sa kalagitnaan ng mga nakatatanda, nakita ko ang isang Kordero na nakatayo, nagmamasid na kahit siya ay pinatay. Mayroon siyang pitong mga sungay at pitong mga mata — ito ay ang pitong espiritu ng Diyos na ipinadala sa lahat ng dako ng lupa.

Naniniwala kami na si Hesus, ang Kordero ng Diyos, ay magiging ating pastol at mabubuhay tayong kasama niya magpakailanman sa langit. (Pahayag 7:17)

Pahayag 7:17 Dahil ang Kordero na nasa gitna ng trono ay kanilang magiging pastol, at gagabayan niya sila patungo sa bukal na tubig ng buhay, papahirin ng Diyos ang bawat luha mula sa kanilang mga mata.”