Lc 2:28, 32, Jn 1:9-12, Jn 8:12, Jn 9:5, Jn 12:36
Sa Lumang Tipan, inutusan ng Diyos ang mga pari na magsindi ng lampara sa tabernakulo at huwag itong patayin. Kung walang lampara sa tabernakulo, hindi magampanan ng mga saserdote ang kanilang mga tungkulin. (Lev 24:3)
Lev 24:3 Sa labas ng kurtina bago ang mga tipan ng kautusan sa tolda ng pagpupulong, si Aaron ay dapat tuloy-tuloy, mula gabi hanggang umaga, panatilihing naka-ilaw ang lampara sa harap ni Yahweh. Ito ay laging magiging isang batas sa buong angkan ng iyong mga tao.
Si Jesus ang ilaw sa mga Hentil at ang kaluwalhatian ng Israel. ( Lucas 2:28, 32 )
Lucas 2:28 tinanggap siya ni Simeon sa kaniyang mga bisig, at nagpuri sa Diyos at sinabi,
32 Siya ay liwanag para sa paghahayag sa mga Gentil at kaluwalhatian ng iyong mga taong Israel.”
Si Hesus ang ilaw ng mundo, ang liwanag ng buhay. (Juan 1:9-12, Juan 8:12, Juan 9:5)
Juan 1:9 Iyon ang tunay na liwanag na dumarating sa mundo at iyon ang nagpapaliwanang sa lahat. 10 Siya ay nasa mundo, at ang mundo ay nalikha sa pamamagitan niya, at ang mundo ay hindi nakakakilala sa kaniya. 11 Dumating siya sa kaniyang sariling kababayan, at hindi siya tinanggap ng kaniyang sariling mga kababayan. 12 Ngunit sa kasing-dami nang tumanggap sa kaniya, na naniwala sa kaniyang pangalan, sa kanila niya ipinagkaloob ang karapatang maging mga anak ng Diyos,
Juan 8:12 Muli nagsalita si Jesus sa mga tao at sinabi, “Ako ang ilaw ng mundo; ang sumusunod sa akin ay hindi na maglalakad sa kadiliman kundi magkakaroon ng liwanag ng buhay.”
Juan 9:5 Habang ako ay nasa sanlibutan, ako ang ilaw ng sanlibutan.”
Kung tayo ay naniniwala kay Jesus bilang ang Kristo, tayo ay nagiging mga anak ng liwanag. (Juan 12:36)
Juan 12:36 Habang mayroon sa inyo ang liwanag, sumampalataya kayo sa liwanag upang kayo ay maging mga anak ng liwanag. Sinabi ni Jesus ang mga bagay na ito, at pagkatapos umalis siya at hindi na muling nagpakita sa kanila.