Isa 53:12, Aw 22:16, Aw 16:10, Aw 49:15, 1 Cor 15:3-4
Sinabi ni Jesus sa kaniyang mga alagad na siya ay magdurusa, papatayin, at bubuhaying muli pagkaraan ng tatlong araw. ( Mat 16:21 )
Mat 16:21 Magmula sa oras na iyon sinimulang sabihin ni Jesus sa kaniyang mga alagad na kailangan niyang pumunta sa Jerusalem, magdurusa ng maraming bagay sa kamay ng mga nakatatanda at sa mga punong pari at sa mga eskriba, papatayin at mabubuhay muli sa ikatlong araw.
Ang Lumang Tipan ay nagpropesiya na si Kristo ay mamamatay para sa mga kasalanan ng marami. ( Isa 53:12 )
Isa 53:12 Kaya ibibigay ko sa kanya ang kanyang kabahagi sa gitna ng maraming tao, at hahatiin niya ang mga nasamsam sa karamihan, dahil inilantad niya ang kanyang sarili sa kamatayan at ibinilang siyang kasama ng mga makasalanan. Dinala niya ang kasalanan ng marami at namagitan siya para sa mga makasalanan.
Sa Lumang Tipan din ay inihula na si Kristo ay magdurusa at mamamatay. ( Aw 22:16 )
Aw 22:16 Dahil pinapaligiran ako ng mga aso; napalibutan ako ng samahan na mga mapaggawa ng masama; tinusok nila ang aking mga kamay at mga paa.
Sa Lumang Tipan din ay inihula na si Kristo ay babangon mula sa mga patay. ( Aw 16:10, Aw 49:15 )
Aw 16:10 Dahil hindi mo iiwan ang aking kaluluwa sa Sheol. Hindi mo pababayaan ang tapat sa iyo na masilayan ang hukay.
Aw 49:15 Pero tutubusin ng Diyos ang aking buhay mula sa kapangyarihan ng sheol; ako ay kaniyang tatanggapin. Selah
Si Hesus ang Kristo na namatay ayon sa Bibliya at muling nabuhay ayon sa Bibliya. (1 Cor 15:3-4)
1 Cor 15:3 Sapagkat binigay ko sa inyo ang pinakamahalaga na aking tinanggap: na si Cristo ay namatay alang-alang sa ating mga kasalanan ayon sa mga kasulatan, 4 na siya ay inilibing, at siya ay nabuhay noong ikatlong araw ayon sa mga kasulatan.